Anders Svormuseet
Anders Svor-museet ligg idyllisk til ved Hornindalsvatnet. Den arkitektteikna bygninga frå 1953, omgitt av ein vakker skulpturpark, er vigd bilethoggaren Anders Svor.
Ope:
22.juni - 16. august
Onsdag-sundag
kl 1100-1600
Sesongopninga er sundag 22.juni klokka 11. Museet held stengt laurdag 28. juni på grunn av førebuingar til framsyninga sundag 29. juni.
Arrangement:
Røyster av YKS Ung og Solveig Styve Holte 29. juni kl 1400-1500
Velkomen til framsyning på Anders Svor-museet sundag 29. juni kl 1400 – «Røyster» av YKS Ung og Solveig Styve Holte!
Bakketunet
Inst i Hjørundfjorden i kulturbygda Bjørke, ligg det freda Bakketunet med sine seks ærverdige bygningar der tømmeret i dei eldste husa er datert attende til 1549. Dette er difor det eldste heilskapelege gardstunet på Sunnmøre med, og etter seiande, den eldste grindløda i landet.
Kunst-Strikk-Byggeskikk er stikkorda for kva du kan sjå og oppleve i Bakketunet.
Det er måleri- og gafikkutstilling av kunstnaren Roar Kjærnstad som heng på veggane på Bakketunet denne sommaren.
- Sal av mat
- Sal av Hjørundfjordstrikk
Bakketunet på Bjørke har sesongopning den 29. juni, og vil halde ope kvar søndag mellom kl 1200-1700 til slutten av august. Elles etter avtale.
Tlf. +47 911 08 846
Brudavolltunet
Brudavollen er eit autentisk gardstun som ligg solrikt og idyllisk til høgt oppe i dalsida i Ørsta kommune. Både bygningar og landskap har høg kulturhistorisk verdi, og fortel om levemåten i det gamle bondesamfunnet.
Saman med inngangsbilletten får du eit flott heftemed historia til dei gamle husa, om kulturmarka og den vakre hagen.
Her blir du også betre kjend med Brudavollfolket, som- med unntak av ein kort periode, var den same slekta som budde på Brudavollen frå 1603 til 1963.
Ta gjerne med deg nistepakka, kvil beina og set deg ved den store, flotte steinhella. I heftet les du meir om korleis denne enorme hella hamna akkurat her..
Sommar i tunet
Mykje kjekt å lære og gjere for heile familien på Brudavolltunet i sommar!
Bli med på konsertar, grautasøndagar, olsokfeiring, markavandring og mykje meir!
Tunet vil halde ope kl 1200-1600 kvar onsdag i tidsromet 25. juni-13. august, elles etter avtale.
Arrangement:
Spinnville dagar 24. – 26. juni
Handverksdagane «Spinnville dagar» på Brudavolltunet. Hugs påmelding!
Markvandring – kva veks i Brudavolltunet? 2. juli kl 1400 –1600
Bli med oss på markvandring i Brudavolltunet og bli kjend med plantane som veks her.
Korleis påverkar klimaendringar plantane - og kva vi kan gjere for å ta betre vare på slåtteenga?
Ørsta bygdemuseumslag inviterer til grautasøndag på Brudavolltunet 6., 13, og 20.juli!
Grautasøndag 6. Juli kl 1300 –1600
Grautasøndag og song i tunet 13. juli kl 1300– 1600
Søndag 13. juli høyrer du også vakre tonar i tunet!
Grautasøndag og konsert i tunet 20. juli kl. 1300– 1600
Denne dagen får du også høyre vakre tonar i tunet!
Kl 1400 spelar Åsmund Arnesen Farstad instrumental og vokalmusikk frå heimtraktene, Nordvestlandet, med Sunnmøre og Nordfjord.
Olsok i tunet 29. juli, kl 1500– 1800
Ørsta bygdemuseumslag ønskjer velkomen til olsokstemne i tunet på Brudavollen.
I tråd med tradisjonell olsokfeiring vert det sal av rjomegraut, kaffi, sveler og natronkaker.
Gudsteneste i tunet.
Museumslaget vidarefører det årvisse samarbeidet med Ørsta kyrkje, og det vert gudsteneste i tunet frå kl 1700.
Markvandring 11. august, kl. 1400– 1600
Det nærmar seg slått! Korleis vurderer vi slåttetidspunkt i ei tradisjonell slåtteeng?
Bli med oss på vandring i slåttmarkane, og for å sjå om det er klart for slått.
Friluftsjazz for barn i tunet 13. august kl 1700-1900
I eit samarbeid mellom Jazzsirkelen, DNT Sunnmøre og Viti kombinerer vi musikk, friluftsliv og historie.
I tunet tek Lena Nymark og Eldrid Schrøder Kvalvik tek oss vel imot og leier oss inn i ei musikalsk eventyrstund med det kjend eventyret «Hans og Grete».
Les meir her
Slåttedugnad 12. – 15. august kl 0900-1600
Lyst til å vere med på ein god gamaldags slåttedugnad?
Då tek du med ljå og rive og blir med på slåttedagar på Brudavolltunet.
Rakstedugnad 16. august kl 1000– 1500
Vil du vere med på dugnad for å rake graset etter slåtten?
Vi er komne godt i gong med slåtten av den tradisjonelle slåtteenga her på Brudavolltunet.
Bjørkedal båtsamlingar
Båtsamlingane fungerar slik at folk kan gå rundt og sjå sjølve. Alle større båtar står i hus som er opne. Samlinga av modellar som Saxe Bjørkedal har bygd, kan sjåast gjennom vindu.
Det er mogleg å avtale omvising.
Tlf +47 907 31 708/ +47 909 18 712
Volda Bygdetun og Garverimuseet
Tunet ligg vakkert til på Haueleite ved foten av Rotsethornet med utsikt over fjorden. Volda bygdetun på Haualeite er bygdemuseum for Volda Kommune. I dag har bygdetunet kring 20 bygningar som er ordna lik ein vanleg sunnmørsgard frå midten av 1800-talet. Det eldste huset på tunet er ei sengjabu frå 1500-talet. Garverimuseet ligg i Rotsetfjøra i Volda sentrum. I dette garveriet vart det drive organisk garving samanhengande frå 1870 til 1971. Garveriet er intakt med komplett utstyr for organisk garving.
Ta kontakt for omvisning.
Tlf: +47 918 42 458
VD-museet
Fiskeri var gjennom størstedelen av 1900-talet ei hovudnæring i Vartdal. Frå 1912 var havfiske ei næring som sysselsette mange frå Vartdal-bygdene og etter kvart heile Sunnmøre, samt andre delar av kyst-Noreg og frå Færøyane. VD-muséet har hundrevis av bruksgjenstandar frå denne tida, alt frå enkle handreiskapar til teknisk avansert utstyr nytta til fiskeleiting. Her er illustrasjonar som syner korleis fisket gjekk føre seg og fiskarlivet arta seg, uttrykt både gjennom ei mengd foto, plansjar og audiovisuelle framsyningar. I museumssamlinga inngår også nokre modellar av eldre fiskefarty og bilete av alle VD-registrerte havfiskebåtar.
Museet held ope kl 1800-2100 den fyrste torsdagen i kvar månad. Elles etter avtale.
Tlf. +47 481 47 499
Ei av utstillingane ved VD-museet Foto: VD-museet
Aasentunet
Aasentunet er eit av få språkmuseum i Norden. Her kan barn og vaksne oppleve språk, litteratur, arkitektur, kunst og musikk.
Ei omvising gjennom det gamle tunet på garden Åsen, og gjennom nybygget i Aasentunet, gjer at publikum får meir ut av ei vitjing. Ei omvising varer kring 20 minutt.
Museumsbutikken og kafeen følgjer museet sine opningstider, i tillegg held dei ope i samband med arrangement.
Tunet har eigne opningstider i tidsromet 1. juni–17. august måndag–søndag: kl 1100–1700.
Frå 20. juni - 16. august er det omvisning kvar heile time. Framsyning av dokumentarfilmen om Ivar Aasen kvar halve time.
Tlf. +47 700 47 570
Sivert Aarflot-museet
Sivert Aarflot var bondesonen med 22 dagars skulegang som vart ein av dei fremste folkeopplysarane på Nordvestlandet. Aarflot sin kunnskapstørst var vid: frå praktisk jorddyrking til teoretisk astronomi.
Kunnskapen skulle delast og formidlast vidare. Han vart lærar og lensmann, og han grunnla både bibliotek, trykkjeri og avisa Norsk Landboeblad. Avisa kjem framleis ut i Volda, under namnet Møre.
I Sivert Aarflot-museet, som ligg på Ekset i Volda kommune, der han budde og dreiv trykkjeri, fortel vi historia om denne nybrottsmannen og folkeopplysaren.
Museet held ope torsdagar kl 1200-1600 i tidsromet 22. juni-17. august. Elles ope etter avtale.
Sivert Aarflot-museet er ein del av regionmuseet Viti.
Tlf. +47 702 39 000
Volda Elektriske Mylne
Ved Mylnå kan du sjå gammalt handtverk i drift. Her blir ulike konrnsortar malne på gamle steinkverner frå 1930-talet. Denne bedrifta har fått mange utmerkingar, mellom anna Olavsrosa frå norsk kulturarv for "førebiletleg kombinasjon av tradisjonell bruk og modernisering av det tekniske utstyret gjennom å oppretthalde ein unik handtverkstradisjon".
Ta kontakt for omvisning.
Tlf. +47 958 16 219
Folkemusikkarkivet
Viti Folkemusikkarkivet for Møre og Romsdal har som oppgåve å dokumentere og formidle kunnskap om folkemusikken og folkedansen i fylket. I tillegg til å hjelpe utøvarar og andre interesserte med å finne stoff i det rikhaldige arkivet, driv Folkemusikkarkivet aktivt formidlingsarbeid gjennom kurs, seminar, konsertar og publikasjonar, og gjennom produksjonar for Den kulturelle skulesekken. Viti har ei stor notesamling,faglitteratur, lyd- og videopptak. Viti Folkemusikkarkivet har kontorstad i 2. høgda på Spinneriet i Volda og tek i mot publikum etter avtale.
Other Posts
DNT-turar i Volda og Ørsta
